დემოკრატიის ინსტიტუტის მისიაა საქართველოში სამოქალაქო საზოგადოების მშენებლობის და მოქალაქეთა თანასწორობის პრინციპების განმტკიცების ხელშეწყობა. ამ ზოგადი პრინციპების განხორციელების გზებს დემოკრატიის ინსტიტუტი ადამიანის უფლებებისა და თავისუფლებების დაცვაში, სახელმწიფო მმართველობის ორგანოების მუშაობის მონიტორინგში, მათი საქმიანობის გაუმჯობესების და სისტემის დახვეწისათვის ხელშეწყობაში ხედავს.

დემოკრატიის ინსტიტუტი ცდილობს თავისი წვლილი შეიტანოს საარჩევნო პროცესის სრულყოფასა და მის გამჭვირვალობაში, დაეხმაროს მოქალაქეებს საკუთარი უფლებებისა და ინტერესების დასაცავად გააქტიურებაში. ცალკეული სოციალურად დაუცველი მოქალაქეთა ჯგუფების შემთხვევაში კი თავად იცავს მათ კანონიერ ინტერესებს.